ИНСТАЛИРАЊЕ НА МРЕЖА ЗА РАНО ПРЕДУПРЕДУВАЊЕ ЗА МОНИТОРИНГ НА ЗРАЧЕЊЕ
Европската Унија претставувана од Европската Комисија распиша тендер за набавка и инсталирање на мрежа за рано предупредување за мониторинг на радијација (EWRMN), чија локација на проектот е Белгија.
Договорот се состои во набавка и инсталирање на опрема за поставување на национални мрежи за следење на радијацијата за рано предупредување (EWRMN) во земјите од Западен Балкан. Ова ќе им овозможи на овие земји, во кои спаѓа и нашата, да ја интегрираат мрежата на ЕУ за следење на радиоактивноста на животната средина EURDEP.
Остатокот од опремата што ќе се испорача ќе овозможува брзо да реагираме на какви било настани настанати со ослободување на радиоактивни материи, со вршење на пребарувања, категоризација и прелиминарна карактеризација на тој радиоактивен материјал.
Со задоволство сакам да истакнам дека во рамките на овој проект, Институтот за јавно здравје на Република Северна Македонија ќе поставува ваква мониторинг станица за следење на нивото на радиоактивност во животната средина, во неколку градови во државата, меѓу кои се наоѓа и нашиот град Кочани. Самото поставување на истата и уредувањето на местото каде што ќе биде поставена се во надлежност на Институтот за јавно здравје.
Ова е од голема значајност и придонес како за граѓаните, така и за одржувањето на животната средина и ми претставува чест и задоволство што нашиот Центар за јавно здравје е дел од ваков проект.
Со почит,
Гоце Серафимов – Директор на ЈЗУ ЦЈЗ Кочани
