4 ФЕВРУАРИ – СВЕТСКИ ДЕН ЗА БОРБА ПРОТИВ РАК

Светскиот ден за борба против ракот е меѓународен ден одбележан на 4 февруари со цел да се подигне свеста за ракот и да се поттикне неговата превенција, откривање и лекување. Светскиот ден на ракот е предводен од Унијата за меѓународна контрола на ракот (UICC) за поддршка на целите на Светската декларација за ракот, напишана во 2008 година.

Примарната цел на Светскиот ден на ракот е значително да се намалат болестите и смртта предизвикана од рак  и е можност да се собере меѓународната заедница за да се стави крај на неправдата на страдањето од рак што може да се спречи. Денот го почитуваат и Обединетите нации.

Светскиот ден за борба против ракот ја  подигнува свеста и ја намалува стигмата. Повеќе светски иницијативи се спроведуваат на Светскиот ден за борба против ракот за да се покаже поддршка на заболените од рак.

На Светскиот ден за борба против ракот, да им оддадеме почит на оние што ги изгубивме, да ги поддржиме оние што живеат со рак и да ја подигнеме свеста за подобри можности за превенција и лекување.

Малигните неоплазми се меѓу најчестите причини за смрт во светот.

Во Република Северна Македонија после болестите на циркулаторниот систем, малигните неоплазми се ВТОРАТА најчеста причина за смрт.

УПОТРЕБАТА НА ТУТУН Е ВОДЕЧКАТА ПРИЧИНА ЗА РАК КОЈ МОЖЕ ДА СЕ СПРЕЧИ.

Употребата на тутун е поврзана со околу 15 видови на рак, вклучувајќи рак на белите дробови и црниот дроб. Откажувањето од пушење значително го продолжува животниот век и квалитетот на животот.

Според податоците за причина за смрт во Република Македонија во 2023 и 2024 година малигните неоплазми на бронхот и белите дробови се на ПРВО место. Вкупниот број на починати лица од малигните неоплазми на бронхот и белите дробови во 2024 година изнесува 860 од кои бројот на мажи е поголем, во однос на бројот на жени.

Вкупниот број на починати лица во 2024 година изнесува 20201 од кои 10604 се мажи а 9597 се жени. Oд малигни неоплазми починати се вкупно 3958 од кои 2325 се мажи, а 1633 се жени. Во истата година бројот на починати од неоплазми на возраст над 65 е речиси двојно поголем од бројот на починати до 64 годишна возраст.

#WorldCancerDay #UnitedByUnique @worldcancerday