СВЕТСКИ ДЕН БЕЗ ТУТУН 31 МАЈ 2019

Секоја година, на 31 МАЈ, СЗО и светските партнери го прославуваат Светскиот ден без тутун (WNTD). Во 2019 година, WNTD ќе се фокусира на „тутунот и здравјето на белите дробови“.

Тутунот и здравјето на белите дробови – Светски ден без тутун,2019 Направете секој ден да биде ден без тутун во светот 31 МАЈ,2019

Пушењето тутун и изложеноста на чад од втора рака го зголемуваат ризикот од стекнување на многу болести. На пример, активното и пасивното пушење влијае на здравјето на белите дробови на повеќе начини:

• Намален транспорт на кислород до срцето и другите органи во телото
• Намалена толеранција за физичка активност
• Намален HDL (добар) холестерол
• Зголемен крвен притисок и срцеви отчукувања
• Зголемен ризик од развивање болест на коронарната артерија и срцев удар
• Зголемен ризик од појава на карцином на белите дробови, грлото, хронична астма, хроничен бронхитис и емфизема
• Зголемен ризик од дијабетес
• Зголемен ризик од заболувања на непцата
• Зголемена ризик од згрутчување на крвта
• Респираторните инфекции се почести кај децата изложени на пасивно пушење
• Дегенерација на кожата

ТУТУНОТ УБИВА ЕДНО ЛИЦЕ НА СЕКОИ ЧЕТИРИ СЕКУНДИ

• Тутунот е смртоносен во било каква форма и го загрозува здравјето на белите дробови на сите кои се изложени на него.
• Тутунот убива едно лице на секои 4 секунди.
• Поновите производи од тутун содржат хемикалии слични на оние во традиционалните тутунски производи и исто така се штетни за здравјето.
• Респираторните заболувања се меѓу водечките причини за смрт на глобално ниво, а тутунот е главен фактор на ризик.
• Милиони смртни случаи предизвикани од респираторна болест поврзана со тутун се вознемирувачки, но уште повознемирувачки е огромното страдање што го предизвикуваат овие болести, а ослабувачките ефекти влијаат на квалитетот на животот на луѓето од сите возрасти, во сите региони на светот.

КАКО ТУТУНОТ ВИ ГО ОДЗЕМА ЗДИВОТ

• Со само еден здив, стотици токсини во тутунскиот чад почнуваат да ги оштетуваат белите дробови.
• Кога се вдишува чад од тутун, структурите кои го чистат слузот и нечистотијата од дишните патишта се парализирани, овозможувајќи им на отровните супстанции во тутунскиот чад полесно да се пробијат во белите дробови.
• Штетните ефекти од тутунскиот чад врз белите дробови се речиси непосредни.
• Чадот од тутунот предизвикува намалена функција на белите дробови и недостаток на воздух поради оток на дишните патишта и зголемување на слузта во белите дробови.
• Непосредните респираторни симптоми се само дел од штетата што тутунот ја прави за белите дробови.

ИЗЛОЖЕНОСТА НА ТУТУН Е ЗАКАНА ЗА ЗДРАВЈЕТО НА БЕЛИТЕ ДРОБОВИ НА СИТЕ, НЕ САМО НА ПУШАЧИТЕ

• Чадот од тутун придонесува за загадување на воздухот во затворен простор, што претставува голема закана за здравјето на белите дробови.
• Секоја година, повеќе од 1 милион смртни случаи на глобално ниво се последица на пасивно пушење.
• Повратниот чад е чад кој се испушта од горниот крај на цигарата или од други пушени тутунски производи, обично во комбинација со чад кој го издишува пушачот.
• Пушењето тутун и изложеноста на чад од втора рака се главните фактори на ризик за рак на белите дробови, хронична опструктивна белодробна болест (ХОББ), туберкулоза (ТБ) и астма.
• Пред да научат да одат, децата може да почнат да страдаат од ефектите на изложеност од тутунскиот чад.
• Доенчињата родени од мајки што пушат или кај жени кои се изложени на чад од втора рака за време на бременоста, веројатно ќе страдаат од намален раст и функција на белите дробови.
• Хемикалии кои се наоѓаат во тутунскиот чад за време на критичните фази на развој во матката имаат долготрајни, штетни ефекти врз белите дробови.
• Децата на пушачите страдаат од намалена функција на белите дробови, која продолжува да ги засегнува во форма на хронични респираторни нарушувања во зрелите години.
• Адолесцентите кои пушат имаат поголема веројатност да страдаат од хронични респираторни нарушувања и ризикуваат трајно да ги оштетат белите дробови.

ЗОШТО ДА ГИ ОСТАВИТЕ ЦИГАРИТЕ

• Одвикнувањето од пушењето е една од најважните одлуки кои еден пушач треба да ги направи во животот. Оваа одлука ќе го подобри квалитетот, но и должината на вашиот живот. Веднаш штом ќе престанете со пушење вашето тело почнува да ги поправа штетите кои бил е предизвикани од пушењето. Колку порано ја донесете оваа одлука во животот толку подобро ќе биде тоа за вашето здравје.
• Престанокот со пушењето опфаќа неколку различни пристапи, почнувајќи од лекови и психотерапија до посебни часови и програми. Пушењето е навика која е тешко да се прекине, бидејќи вклучува многу различни аспекти на емотивниот и социјалниот живот на индивидуата, како и физичка зависност од никотинот.
• Повеќето луѓе кои се откажале од пушењето успешно, користат комбинација на третмани или техники за откажување.

Како да го откажете полесно пушењето ???

• Не се плашете
• Не поминувајте сами низ одвикнувањето
• Контролирајте го стресот
• Избегнувајте алкохол и други предизвикувачи
• Побарајте лекарства
• Исчистете го домот
• Движете се
• Јадете овошје и зеленчук
• Не престанувајте да се обидувате
• Никогаш не е доцна !!!