За нас

Организационата поставеност на Заводот подразбира високо развиени служби во Кочани и истурени работни единици во Виница, Берово, Пехчево и Делчево. Најголем дел од обврските што Центарот ги има произлегуваат од Програмите кои Владата на Република Северна Македонија ги донесува секоја календарска година. Тука пред се е програмата за Превентивна здравствена заштита на населението, заштита на населението од СИДА и спречувањето и сузбивањето на бруцелоза.

Центарот континуирано го усовршува процесот на работа во сите работни единици. Исто така во Центарот на сите вработени им е овозможено стручно усовршување: специјализација, учество на конгреси и семинари во земјата и странство, како и учество на секциски состаноци.

Вкупниот број на вработени во Центарот е 41 од различни стручни профили како: специјалисти и магистри, доктори по медицина, инженери, технолози, економисти и технички специјализиран кадар.

Дејноста на ЈЗУ ЦЈЗ Кочани е утврдена со Законот за здравствена заштита на Р. Северна Македонија; Републичката програма за превентивна здравствена заштита како и другите законски прописи што имаат за цел превземање мерки и активности за унапредување на здравјето на населението, истражување и детектирање на причините за појава на заразните и другите заболувања, како и здравствено-еколошките фактори на животната средина.

За целосно остварување на целите и задачите на споменатите дејности, работата во Центарот е организирана согласно Законот за здравствена заштита и Статутот на Центарот, Правилникот за организација на работата и систематизација на работните места и другите акти на Центарот .